لە رۆژئاوای کوردستان لە ٣٠% مووچەی فەرمانبەران زیادکرا

ئیدارەی خۆبەڕێوەبەری ڕۆژئاوای کوردستان بڕیاریدا بەڕێژەی لە ٣٠%ی موچەی کارمەندەکانی خۆی زیاد بکات.

لە ڕاگەیەندراوێکدا ئیدارەی خۆبەڕێوەبەری لە باکور و رۆژهەڵاتی سوریا ڕایگەیاند، بە لەبەرچاوگرتنی بەرژەوەندی گشتی، سەرۆکایەتی هاوبەشەی ئەنجومەنی جیبەجێکردنی باکور و ڕۆژهەڵاتی سوریا بڕیاریدا، بە زیادکردنی ڕێژەی لە ٣٠%ی موچەی مانگانەی بۆ سەرجەم کارمەندان و فەرمانبەرانی ئیدارەی خۆربەڕێوەبەری باکور و ڕۆژهەڵاتی سوریاز

بڕیارەکە لە ڕۆژی 1/4/2021 وە دەچێتە بواری جێبەجێکردنەوە و هەموو ئەو فەرمانبەرانە دەگرێتەوە کە بەگوێرەی گرێبەستی یاسایی لە دامەزراوەکانی سەر بە بەڕێوەبەرایەتی خۆبەڕێوەبەری باکور و ڕۆژهەڵاتی سوریا، جگە لە گرێبەستی پسپۆڕی.

لە ماوەی دوو ساڵی ڕابردوودا ئەوە دووەمجار ئیدارەی خۆبەڕێوەبەری ڕۆژئاوای کوردستان موچەی بۆ کارمەندانی خۆی زیاد دەکات.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *