عێراق ٤.٥ ملیۆن دۆزی تری ڤاکسینی فایزەرھاوردە دەکات
دەنگ نیوز
وەزارەتی تەندروستی عێراق رایگەیاند، لەگەڵ کۆمپانیای فایزەر گرێبەستی کردووە بۆ دابینکردنی چوار ملیۆن و ٥٠٠ ھەزار دۆزی تری ڤاکسینی کۆرۆنا.
وەزارەتی تەندروستی عێراق لە راگەیەنراوێکدا ئاماژەی بەوەکردووە، حەسەن تەمیمی وەزیری تەندروستی تەئکیدیی کردووەتەوە، لەگەڵ کۆمپانیای فایزەر گرێبەستکراوە بۆ دابینکردنی ٤ ملیۆن و ٥٠٠ ھەزار دۆزی تری ڤاکسینی کۆرۆنا.
رونیشیکردووەتەوە، لە عێراق سێ جۆری ڤاکسین لەلایەن وەزارەتی تەندروستییەوە پشتیان پێبەستراوە، ئەوانیش بریتین لە فایزەر و ئەسترازینیکا و سینۆفارم.
