ئەمرۆ رۆژی جیھانی ئازادی رۆژنامەگەرییە

دەنگ نیوز

ئەمرۆ سێی ئایار ڕۆژی جیھانی ئازادی ڕۆژنامەگەریە، ٣٠ ساڵە بە رەسمی ئەمرۆژە لەلایەن یونسکۆوە ناسێنراوە و لە کاتێکدا یادی دەکرێتەوە، کە ڕۆژنامەنووسان بەھۆی کارەکەیانەوە دووچاری ھەڕەشە و کوشتن دەبنەوە.

ئامانج لە دیاریکردنی ڕۆژێک بۆ ئازادی ڕۆژنامەگەری، بریتییە لە پاراستنی ڕۆژنامەنووسان و رەخساندنی ژینگەیەکی گوونجاوی کارکردن بۆیان، دیاریکردنیشی لەسەر بنەمای کۆبوونەوەیەکی باڵای ڕۆژنامەنووسان بوو، لە شاری ” ویندھۆک”ی پایتەختی وڵاتی نامبیا لە ساڵی ١٩٩١.

بە پێی ئامارەکانی رێکخراوی پاراستنی رۆژنامەنووسان، لە ساڵی ٢٠٢٠، ٢٧٤ ڕۆژنامەنووس زیندانیکراون، کە زۆرینەیان لە وڵاتانی چین و تورکیا و میسر بوون، ھاوکات ٥٧ ڕۆژنامەنووس بەھۆی پیشەکەیانەوە کوژراون.