مالیكی: هەڵبژاردنی ئەمجارە مەترسیدارە
دەنگ نیوز
سەرۆكی هاوپەیمانی دەوڵەتی یاسا پشتیوانی خۆی بۆ هەنگاوەكانی حكومەت بۆ كرانەوە بە وڵاتانی كەنداو دوپاتدەكاتەوە و هەڵبژاردنی داهاتووی پەرلەمانی عێراقیش بەمەترسی ناودەبات.
نوری مالكی سەرۆكی هاوپەیمانی دەوڵەتی یاسا رایگەیاند: “پشتیوانی لە هەنگاوەکانی حکومەت دەکەم لە کرانەوە بە ڕووی وڵاتانی کەنداودا، چونكە هیچ کۆبوونەوەیەک لەنێوان سەرۆکی حکومەتەکانی پێشووتر نەکراوە.
لەبارەی ئەنجامدانی هەڵبژاردنی داهاتووی عێراقیش وتی”هەڵبژاردنەکانی داهاتوو مەترسیدارە و چونكە ژینگەیەكی ئارام فەراهەم نەكراوە و هاوكات لایەنە سیاسییەکان بەرپرسیارێتی خۆیان لە ئەستۆ گرتوە و خواستی شەقامی عێراقی جێبەجێنەكراوە”.
ئەمە لەكاتێكدایە، بڕیارە لە 10ی تشرینی یەكەمی ئەمساڵ هەڵبژاردنی پێشوەختەی پەرلەمانی عێراق بەڕێوەبچێت.
