لە هەولێر نرخی بەنزین بەردەوامە لە گرانبوون

دەنگ نیوز

پارێزگاری هه‌ولێر ئاشکرایکرد کە چه‌ند هۆكارێك بوونەتە هۆی بەرزبوونەوەی نرخی بەنزین و له‌ هه‌وڵه‌كانیشیان به‌رده‌وامن بۆ دابه‌زاندنی نرخی به‌نزین.

ئومێد خۆشناو، پارێزگاری هه‌ولێر  ڕایگه‌یاند: “چه‌ند هۆكارێك نرخی به‌نزینیان به‌رزكردووه‌ته‌وه‌، له‌وانه‌ به‌رزبوونه‌وه‌ی به‌های دۆلار به‌رامبه‌ر دیناری عێراقی و به‌رزی كوالێتی به‌نزین”.

هەروەها پارێزگاری هه‌ولێر ئەوەشی خستە روو، “له‌ هه‌وڵه‌كانمان به‌رده‌وام دەبین بۆ دابه‌زاندنی نرخی به‌نزین”.

دابەزینی به‌های دیناری عێراقی بەرامبەر بە دۆلاری ئەمریکی و به‌رزی كوالێتی به‌نزین و هەروەها له‌لایه‌كی دیكه‌وه‌ بەرزبوونەوەی نرخی سووته‌مه‌نی له‌سه‌ر ئاستی جیهان، هۆکارێکن بۆ بەرزبوونەوەی نرخی بەنزین، کە ئێستا نرخی لیترێک بەنزینی نۆرماڵ لە نێوان 600 بۆ 635 دینارە.