پۆلیسی هەولێر: نوشتەچییەک دەستگیرکرا
دەنگ نیوز
هۆگر عەزیز، گوتەبێژی بەڕێوەبەرایەتیی پۆلیسی هەولێر، لە پەیجی فەرمیی خۆیدا لە تۆڕی کۆمەڵایەتیی فەیسبووک، دەستگیرکردنی تۆمەتبارێکی راگەیاند، کە کاری نوشتەکردنی دەکرد و بەمشێوەیە ژنان و گەنجانی فریودەدا.
هۆگر عەزیز راشیگەیاند، بەشی پۆلیسی ڕێککاریی سەر بە بەڕێوەبەرایەتیی پۆلیسی پارێزگای هەولێر، لە گەڕەکی مامۆستایان تۆمەتبارێکیان بە ناوی (د.ھ.ق) تەمەن (32 ساڵ) بە تۆمەتی نوشتەکردن و فریودان و هەڵخەڵەتاندنی ئافرەتان و گەنجان دەستگیرکرد.
جەختی کردەوە، تۆمەتباری ئاماژەپێکراو، بە مەبەستی لێکۆڵینەوەی زیاتر و گرتنەبەری ڕێکارە یاساییەکان، ڕادەستی بەشی پۆلیسی نەهێشتنی تاوان کرا.
