چەند جۆرە کاڵایەک لە بازاڕەکانی هەرێم قەدەغەكرا

دەنگ نیوز

وەزارەتی بازرگانیی و پیشەسازیی هەرێمی كوردستان بڕیاری دەست بەسەرداگرتنی ئەو کاڵایانە دەردەکات کە بەئاسانی ماوەی دروستکردن و بەسەرچونیان لادەچێت.  

بەگوێرەی ئەو بڕیارەی کەمال موسلیم، وەزیری بازرگانی و پیشەسازی ھەرێمی کوردستان کە ئەمڕۆ سێشەممە 1ی حوزەیرانی 2021 دەریكرد و بەنووسراوی فەرمیی گشتاندنی بۆ كرا و بڵاوکراوەتەوە.

وەزارەتی بازرگانیی و پیشەسازیی سێ جۆر کاڵا قەدەخەكراوە و دەستیان بەسەردا دەگیرێت کە ئەمانەن: 

١-ھەر کاڵایەک ماوەی بەسەرچوونی لێزەری نەبێت دەستی بەسەردا بگیرێت. 

٢-ھەرکاڵایەک رێکەوتی بەسەرچوونی بەدەست لاببرێت دەستی بەسەردا بگیرێت. 

٣-ھەر کاڵایەک ماوەی بەسەرچونی بەلەزگەبێت و لەزگەکە بە ئاسانی لێ بکرێتەوە دەستی بەسەردا بگیرێت. 

ئاماژە بەوەشکراوە، ” لەم رووەوە وەزیری بازرگانی و پیشەسازی دەسەلاتی تەواو دەدات بە بەرێوبەراتیەکانی چاودێری بازرگانی بۆ ئەوەی  چاودێری ئەو جۆرە کالایانە بکەن و کالاکان لەچوارچێوەی یاسا و رێنماییەکاندا لەناو ببەن. ”