عێراق لێکۆڵینەوە لەهێرشەکەی چیای مەتین دەکات

دەنگ نیوز

یەحیا رەسوڵ، وتەبێژی فەرماندەی گشتی هێزە چەکدارەکانی عێراق رایگەیاند، لێکۆڵینەوە دەکرێت لەو هێرشەی کرایەسەر هێزەکانی پێشمەرگە لەپارێزگای دهۆک.

لەبەیاننامەیەکدا یەحیا رەسوڵ وتی، “دژی ئەو هێرشە دەوەستینەوە کە کرایە سەر یەکە سەربازییەکانی عێراق لەچوارچێوەی هێزەکانی پێشمەرگە لەچیای مەتین لەپارێزگای دهۆک لەسەر دەستی کۆمەڵێک چەکداری ناعێراقی”.

ئەوەش هاتووە، هێزە ئەمنییەکان پەڕەی لێکۆڵینەوەیان کردووەتەوە لەبارەی رووداوەکە و  پێویستە هەموو ئەوانە سزا بدرێن کە دەستیان بەخوێنی هاوڵاتیان سووربووە و رادەستی یاسا بکرێن.

جەختی لەوەشکردەوە، پێویستە رێگری بکرێت لە هەر پێشێلکارییەکی دەرەکی و ناوەکی و لەڕێی بنەماکانی دەستوورەوە رێگری بکرێت لەهێرشی وڵاتانی دراوسێ بۆسەر خاکی عێراق.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *