10 ملیۆن کەس لە تورکیا بێکارن
دەنگ نیوز
دامەزراوەی ئاماری گشتیی تورکیا، ئاماری مانگی نیسانی ئەمساڵی بێکاران لە تورکیا بڵاوکردەوە و رایگەیاند، 4 ملیۆن و 511 هەزار کەس بەرێژەی 27.4٪ بێکارن.
هاوکات فیدراسیۆنی سەندیکاکانی کرێکارانی رەنجدەران لە تورکیا DISK، ئامارە فەرمییەکەی ئەم دامەزراوەی تورکیای بەدرۆخستەوە و رایگەیاند، دۆخی راستەقینە پەردەپۆش دەکات.
فیدراسیۆنی سەندیکاکانی کرێکارانی رەنجدەران لە تورکیا رایگەیاند، ژمارەی راستەقینەی بێکاران، 9 ملیۆن و 837 هەزار کەس بێکارن. بەداخەوە ژمارەکە بەرەو هەڵکشانی بەردەوام دەچێت.
ئەو فیدراسیۆنە، دەسەڵاتی ئاکپارتی تۆمەتبار دەکات بە چارەسەرنەکردنی قەیرانی ئابووری تورکیا کە ماوەی پێنج ساڵە بەرۆکی ئەم وڵاتەی بەرنەداوە.
