وردبینی لە دۆسیەی فەرمانبەرانی ھەرێم دەکرێت
دەنگ نیوز
لە چوارچێوەی پرۆسەی چاکسازیدا وردبینی لە دۆسیەی فەرمانبەرانی ھەرێم بەردەوامە، دەستەی دەستپاکیش رایگەیاند، ھەر فەرمانبەرێک بە نایاسایی پلەی بەرز کرابێتەوە، لێی وەردەگیرێتەوە.
دەستەی دەستپاکی ھەرێم رایگەیاند، لە چوارچێوەی جێبەجێکردنی یاسای چاکسازییەکانی حکومەتی ھەرێم، ھەموو وەزارەتەکان راسپێردراون لە رێگەی لیژنەیەکی تایبەتەوە وردبینی لە دۆسیەی فەرمانبەران بکەن و لە ئێستاشدا پرۆسەی وردبینیکردن لە وەزارەتەکان بەردەوامە، ھەر فەرمانبەرێک بە نایاسایی پلەی بەرز کرابێتەوە، پلەکەی لێوەردەگیرێتەوە.
بەپێی راگەیەنراوەکەی دەستەی دەستپاکی، ھەر کاتێک وردبینیکردن لە دۆسیەی فەرمانبەران تەواو کرا، لیژنەی باڵای چاکسازی بڕیار لەسەر پلە نایاساییەکان دەدات.
