لە هەولێر ژن و مێردێک لە رووداوێکی هاتوچۆ گیانیان لەدەستدا

دەنگ نیوز

لەهەولێر بەهۆی رووداوی هاتوچۆوە ژن و مێردێك كە خەریك دابەشكردنی كارتی گواستنەوەی بوك و زاوا بوون گیانلەدەستدەدەن.

فازڵ حاجی وتەبێژی پۆلیسی هاتوچۆی هەولێر:” سەعات 08:30  ئەمشەو لە سەرشەقامی 120مەتری لەنزیك شوقەكانی جیهان سیتی گەنجێك كەنیسانێكی تایبەتی لێدەخوڕی كەزۆر تیژڕۆ بوو لەهەمان كاتدا بێ ئاگاش بو لەشەقام ودەوروبەری، بۆیە خۆی كێشاوە بەدواوەی شوفرلێتێكی تایبەت كە ژن و مێردێكی بەتەمەنی تێدابوو.

وتیشی: شوفرلێتەكە بەهۆی زەبری بەركەوتنەكە كۆنتڕۆلی لەدەستدا وخۆی كێشا بە گادرێلی ڕاگری تەنیشتی ڕێگایەكە ودوبارە گەڕاوەتەوە ناو شەقام وبەرەو دەرەوەی شەقام ڕۆیشتەوە لەپاش ئەوەی گەیشتە سیاجی تەلبەندی شەقامەكە ئینجا وەستا”.

جەختیكردوەتەوە:” بەداخەوە لەدەرەنجامی ڕوداوەكە  ژن ومێردەكە گیانیان لەدەستدا كەلەو كاتەدا  خەریكی دابەشكردنی كارتی بوك گواستنەوە بوون بۆكوڕەكەیان بەسەر خزم ودۆستانیان.

باسی لەوەشكرد:”  جگە لەكەوتنەوەی زیانێكی زۆری مادی،سەبارەت بەهۆكاری تیژڕۆیی و بێ ئاگاییەكە كاتێك پرسیار لەگەنجەكە كرا ،هیچ وەڵامێكی پێنەبو،تەنها وتی كەسەرم بڵند كرد زۆر نزیكبوم لەسەیارەكەی پێشم، بۆیە خۆم پیاكێشا”.

فازڵ حاجی ئاماژەی بەوەشداوە:” كەئەمەش ئەوە دەگەیەنێت شوفێرەكە خەریكی شتی تر بووە جگە لەشوفێریەكەی ،كە شتەكەی تریش  كە ئێستا بۆتە گەورەترین بەڵا بۆ هاتوچۆ”.