کۆمسیۆنی هەڵبژاردنەکانی عێراق دوورخستنەوەى 130 کاندید رەتدەکاتەوە
دەنگ نیوز
کۆمسیۆنى باڵاى سەربەخۆى هەڵبژاردنەکان لەعێراق رەتیکردەوە 135 کاندیدى سەر بە وەزارەتى بەرگرى دوورخرابێتنەوە و دەڵێت تەنها پێنج کاندیدى سەربازى دورخراونەتەوە.
لە راگەیەنراوەکەی کۆمسیۆن ئاماژەى بەوەکردووە، ئەنجومەنى کۆمسیاران لەکۆبوونەوەیەکى نائاساییدا رۆژى هەینى بڕیاریداوە بە دوورخستنەوەى پێنج کاندید بەهۆى ئەوەى هێشتا لەدام و دەزگاکانى وەزارەتى بەرگریدان.
داواشى لە میدیاکان کردووە زانیارى دروست بڵاوبکەنەوە و ئەو نوسراوانە بڵاونەکەنەوە کە لە تۆڕە کۆمەڵایەتییەکان بڵاودەکرێنەوە بەبێ پشتڕاستکردنەوەیان.
پێنج کاندیدە دوورخراوەکە پێکهاتوون لە:
أحمد جواد كاظم محمد المعموري
حافظ حسن علي عيدان الدليمي
عبدالإله رشيد عواد خليفة الجنابي
محمد صالح خلف حسين الجبوري
مروان ماجد زغير عطب العبودي
