“چاوەڕوان دەکرێت ئەم مانگە رێککەوتنی ھەرێم و بەغداد جێبەجێبکرێت”

دەنگ نیوز

شیروان میرزا ئەندامی لیژنەی دارایی رایدەگەیەنێت، چاوەڕوان دەکەن ئەم مانگە رێککەوتنی ھەرێم و بەغداد لەبارەی یاسای بودجە جێبەجێ بکرێت، بەڵام بەپێچەوانەوە ئەگەر ئەم مانگە جێبەجێنەکرێت، واتا نیەتی جێبەجێکردنی یاساکە لە ئارادا نیە.

شیروان میرزا ئەندامی لیژنەی دارایی لە ئەنجومەنی نوێنەرانی عێراق رایگەیاند، دەبوو تائێستا رێککەوتنی نێوان ھەرێمی کوردستان و بەغداد بەتەواوەتی جێبەجێبکرایە، چونکە لە یەکی مانگی نیسانەوە یاساکە کەوتۆتە بواری جێبەجێکردنەوە، بەڵام ئەوەی پەیوەندی بە پشکی ھەرێمی کوردستانەوە ھەیە، لە یاساکە جێبەجێنەکراوە.

راشیگەیاند، رێککەوتنی ھەرێم و بەغداد باش و سەرکەوتووە و لە ڕووی یاسایی و سیاسیەوە کێشەی نیە، تەنھا ئەوە ماوە لە رووی ھونەرییەوە رێبکەون لەسەر میکانیزمی جێبەجێکردنی یاساکە، وتیشی، پێشبینی دەکەن ئەم مانگە ڕێککەوتنەکە جێبەجێبکرێت، بەپێچەوانەوە ئەگەر ئەم مانگە جێبەجێنەکرێت، واتە نیازی جێبەجێکردنی یاساکە نیە.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *