ئەمریکا بەڵێنی گەڕانەوەی مووچەی لیوا ھاوبەشەکان دەدات
دەنگ نیوز
لیوا ھاوبەشەکانی وەزارەتی پێشمەرگە لە چاوەڕوانی دابەشکردنی مووچەکانیان و سەرچاوەیەکیش لە وەزارەتی پێشمەرگە بەڵێنی ھاوپەیمانان و لایەنی ئەمریکییەکان بۆ دانەوەی مووچە نەدراوەکانی لیوا ھاوبەشەکان ئاشکرا دەکات دەڵێت، “پێنج مووچەی قەرزی ئەو لیوایانە دەدرێتەوە”.
سەرچاوەیەکی باوەڕپێکراو لە وەزارەتی پێشمەرگەی حکومەتی ھەرێمی کوردستان رایگەیاند، لەلایەن ھاوپەیمانان و لایەنی ئەمریکییەوە بەڵێن بە وەزارەتی پێشمەرگە دراوە مووچە نەدراوەکانی لیوا ھاوبەشەکانی پێشمەرگە بدرێتەوە.
گوتیشی، “تاوەکو ئێستا پێنج مووچەی لیوا ھاوبەشەکان لەلای ھاوپەیمانان و ئەمریکا ماوەو بەوەش ئەگەر بۆ ئەم مانگە وەکو بەڵینیانداوە سێ مووچەی ئەو ھێزانە ڕەوانە بکرێت دەبێت دواتر دوو مووچەکەی دیکەی لیوا ھاوبەشەکان رەوانە بکرێت”.
