تابلۆی ئۆتۆمبێلەکان عێراق و هەرێم یەکدەخرێن
دەنگ نیوز
بەڕێوەبەرایەتی هاتووچۆی گشتی عێراق ڕایگەیاند، لەچوارچێوەی ڕێککەوتنی هەردوولادا تابلۆکانی ئۆتۆمبێل لەنێوان و عێراق و هەرێمی کوردستان یەکدەخرێن .
تاریق ئیسماعیل، بەڕێوەبەری هاتووچۆی گشتی عێراق ئەمڕۆ چوارشەممە ١٦ ی حوزەیرانی ٢٠٢١، بە ئاژانسی هەواڵی فەرمی عێراقی ڕاگەیاند، ” لە ئێستادا هەرێمی کوردستان کار لەگەڵ ئەو کۆمپانیایە دەکات کە ماوەی ١٠ ساڵە حکومەتی عێراق کاری لەگەڵ دەکات”.
ئەوەشی ئاشکرا کردووە، ” لە ئێستادا تێڕوانین و ڕێککەوتنێکی سەرەتایی لەنێوان بەغدا و هەرێمی کوردستان هەیە بۆ یەکخستنی تابلۆی ئۆتۆمبێلەکان، بە تەنها هەندێک جیاوازی زۆر کەم لە تابلۆی ماتۆڕەکان لە هەرێمی کوردستان”.
بەڕێوەبەری هاتووچۆی گشتی عێراق ئاماژەی بەوەش کردووە، ” فەرمانگەکانی هاتووچۆ لە هەرێمی کوردستان بەهەمان شێوازە کۆنەکەی ئێمە کاردەکەن کە بریتیە لە پەنجەمۆر لەگەڵ واژۆی ئەفسەری تۆمارکردن”.
