باڵیۆزی رووسیا دەگەڕێتەوە ئەمریکا
دەنگ نیوز
باڵیۆزی روسیا وڵاتەکەی خۆی جێهێشت و گەڕایەوە باڵیۆزخانەی روسیا لەئەمریکا و چاوەڕی دەکرێت باڵیۆزی ئەمریکاش بەم نزیکانە بگەڕێتەوە روسیا.
بەپێی راپۆرتە میدیاییەکان ئەناتۆلی ئەنتۆنۆڤ، باڵیۆزی روسیا گەڕاوەتەوە واشنتۆن تا دەست بە ئەرکەکەی بکاتەوە لەئەمریکا، لەمبارەیەوە ئەنتۆنۆڤ وتی: بەتێڕوانین لەکۆبوونەوەکەی نێوان جۆ بایدن و ڤلادیمیر پوتین، دەست دەکەمەوە بە بنیادنانی پەیوەندی دۆستانە و کرداری لەگەڵ هاوڕێ ئەمریکییەکانم.
لایخۆیەوە جۆن سالیڤان، باڵیۆزی ئەمریکا لەروسیا ئاشکرایکرد، بەمزووانە دەگەڕێتەوە مۆسکۆ و دەست بەکاردەبێتەوە.
چوارشەممەی رابردوو لوتکەی نێوان جۆ بایدن سەرۆکی ئەمریکا و ڤلادیمیر پوتین سەرۆکی روسیا لەشاری جنێف لەسویسرا بەڕێوەچوو و تیایدا بڕیاریدرا بەگەڕانەوەی باڵیۆزەکانی ئەمریکا و روسیا بۆ وڵاتانی یەکتر.
