پشکی هەرێم لە بوودجەدا چەندە؟
لە کۆبوونەوەکەی ئەنجومەنی نوێنەرانی عێراق پشکی ھەرێمی کوردستان بە ١٢.٦٧٪ پەسەند کرا، بەم پێیەش حکومەتی عێراق بۆ ساڵی دارایی ٢٠٢١ بڕی ٩ ترلیۆن و ٥٠٠ ملیار دینار ڕەوانەی ھەرێمی کوردستان دەکات، لە بەرامبەردا ھەرێمی کوردستان ڕۆژانە داھاتی ٤٦٠ ھەزار بەرمیل نەوت بە نرخی سۆمۆ ڕادەستی عێراق دەکات کە بە ٤٢ دۆلار جێگیرکراوە، ھاوکات بەھای ١٠٠ دۆلاری ئەمریکی لە پڕۆژەیاساکەدا بە ١٤٥ ھەزار دینار یەکلایی کرایەوە، بەڵام لە بودجەی پەرەپێدانی پارێزگاکان ھیچ بڕە بودجەیەک بۆ پارێزگای ھەڵەبجە تەرخاننەکراوە.
