ئێران ڕێککەوتنی گواستنەوەی ئاسمانیی لەگەڵ عێراق پەسەندکرد
پەرلەمانی ئێران بە زۆرینەی دەنگ پڕۆژەی ڕێککەوتنی خزمەتگوزاری ئاڵوگۆڕ و گواستنەوەی ئاسمانی لە نێوان عێراق و ئێراندا پەسەند کرد.
ئاژانسی ھەواڵی فارس نیوز بڵاویکردەوە، ئەنجومەنی شورای ئیسلامی، بە دەنگی ١٦٤ پەرلەمانتار بەندەکانی ڕێککەوتنەکەی پەسەند کردووە کە پڕۆژەکە لە لایەن پێنج پەرلەمانتار ڕەتکرایەوە و شەش پەرلەمانتاریش ئامادە نەبوون دەنگی پێ بدەن.
بە گوێرەی ڕێککەوتنەکە، ئێران و عێراق دەستدەکەن بە دامەزراندن و خستنەگەڕی خزمەتگوزاری گواستنەوەی ئاسمانی ڕێکخراو لەسەر ناوەوە و دەرەوەی وڵاتەکانیان.
