عێراق.. زیاتر لە ملیۆنێك كرێكاری بیانی بە نایاسایی كاردەكەن
زیاتر لە ملیۆنێك كرێكاری بیانی لە عێراقدا ھەن كە ھیچ بەڵگەنامەیەكی یاساییان نییە و بە نایاسایی كاردەكەن.
نەجم عیقابی بەرێوەبەری راگەیاندنی وەزارەتی كاری عیراق رایگەیاند: زیاتر لە ملیۆنێك كرێكاری بیانی لە عێراقدا ھەن كە ھیچ بەڵگەنامەیەكی یاساییان نییە و لە بوارە جیاجیاكاندا بە نایاسایی كاردەكەن.
ئەوەشی راگەیاندووە: زۆری ژمارەی كرێكاری بیانی وایكردووە رێژەی بێكاری لەعێراق بگاتە بەرزترین ئاست و هۆكاری زۆری ژمارەی كرێكاری بیانی لەوڵاتەكە پەیوەستە بەوەی لەدوای تەواوبوونی مۆڵەتەكانیان كۆمپانیاكانی نایانگەڕێننەوە بۆ وڵاتەكانیان، ئەمەش بووەتە هۆی ھەڵكشانی بەردەوامی رێژەی بێكاری لە عێراقدا.
