لە پارێزگای بابل باندێك دەستگیركرا
ئاسۆ ره‌حمان: ده‌نگ نیوز
فەرماندەیی پۆلیسی بابل رایگەیاند، باندێكیان دەستگیركردووە، كە ئەندامەكانیان بە جل و بەرگی سەربازی تاوانیان ئەنجام داوە، هەروەها پیلانی تیرۆركردنی ئەفسەرێكیشیان هەبووە.
عەمید ئەدهەم ساڵحی، بەڕێوەبەری بەشی بەرەنگاربوونەوەی تاوان، رایگەیاند، دوای وەرگرتنی راپۆرتێك لە هاووڵاتیانی گوندەكانی سەر بە قەزای ئەلمەحاویل و جەبلە لە باشووری پارێزگای بابل، لەلایەن چەند كەسێكی چەك بەدەستەوە هەڕەشەیان لێكراوە، لەهەمان كاتدا ئەو كەسانە جلی سەربازیشیان پۆشیووە.
وتیشی: دوای كۆكردنەوەی زانییارییەكان، بە هەماهەنگی هەواڵگری، توانیمان سەرۆك و دوو ئەندامی باندەكە دەستگیر بكەین.
