دوو ماددەی زیادکراوی بەشەخۆراکی رەمەزان گەیشتە ھەرێمی کوردستان

ئاسۆ ره‌حمان: ده‌نگ نیوز

دوو ماددەی زیادکراوی بەشەخۆراکی رەمەزان گەیشتە ھەرێمی کوردستان و وەزارەتی بازرگانی چاوەڕوانی گەیشتنی ماددەکانی دیکەیە بۆ ئەوەی پڕۆسەی دابەشکردنیان دەستپێ بکات.

نەوزاد کامیل بەڕێوەبەری گشتی بازرگانی ھەرێم راگەیاند، لەئێستادا دابەشکردنی بەشەخۆراکی ئاسایی مانگی سێ لەلایەن بریکارەکانی خۆراکەوە دەستیپێکردووە.

سەبارەت بەو ماددە خۆراکیانەی بۆ مانگی رەمەزان زیاد کراوە، نەوزاد کامیل ئاماژەی بۆ ئەوەکرد، لەئێستادا ئارد و مەعکەرۆنی گەیشتووە، بەڵام بۆ ئەوەی ھاووڵاتیان مافیان نەفەوتێت و چەند جارێک سەردانی بریکارەکان نەکەن، چاوەڕوان دەکەن ماددەکانی تریش لە بەغدادەوە بگاتە کۆگاکانی بازرگانی ھەرێم و دواتر بەسەر ھاووڵاتییادا دابەشبکرێت.

وەزارەتی بازرگانی عێراق بڕیاریداوە بۆ مانگی رەمەزان، چوار ماددەی خۆراکی زیاد بکات کە پێکھاتوون لە یەک تەبەق ھێلکە و پێنج کیلۆ ئاردی سفر و نیوکیلۆ نیشاستە و یەک کیلۆ مەعکەرۆنی.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *